தமிழ் கவிதைகள்: April 2016

இனிய புத்தாண்டு வாழ்த்துக்கள்

துன்பங்களை நீக்கி - நல்

புத்துணர்ச்சி தந்தே
மேன்மையை கொண்டது
இனிய துன்முகியாம்..

வேம்முகம் கொண்ட காலத்திலே
வேம்பம்பூ பாயாசமாம் - மஞ்சள்
நீரெடுத்து ஆடுவோமே
பிணியகன்றிட கொண்டாடுவோமே...

நித்திரையின்றி கண்விழித்து
முத்திரையிற்றி கொள்வதல்ல - பந்து
மித்திரரோடு உடன்களித்தே
சித்திரையை கொண்டாடுவோமே ..

அனைவருக்கும் ஆனந்தமாக அமைய
இனிய புத்தாண்டு வாழ்த்துக்கள் ...

பயணம்

எனக்காக நீ என் கணவனாக

உனக்காக நான் உன் மனைவியாக
நமக்காக நம் பிள்ளைகள்
நம் பிள்ளைக்காக
நாமும் நம் பெற்றோரும்
இருக்கும் வாழ்க்கைகாக ஆசைப்பட்டேன்
ஆனால்

இன்று எனக்காக என் காதல் மட்டும் போதும்
மரணத்தின் விழிம்பிலும் கூட என் காதல்
என்னை விட்டுசெல்லவில்லை
வாழும் வரை இல்லை சாகும்வரை
என் பயணம் தனியே என் காதலோடு ...!!!

அன்னையர் தினம்

கருவறை சுமந்தாய் - இனி
கல்லறை வரையுனைச்
சுமக்கும் வரம்தா

ஈரைந்து திங்கள் உன்னுள் வாசம் - இனி
இருக்கும் வரையிலென் மனை
தங்க வரம்தா

பிள்ளைகள் உடல் நலம்
பேணிக் காக்க நீ
நித்தம் ஊட்டிய அழகே தனி தான்

வாரம் தோறும் தவறிவிடாத உன்
எண்ணைக் தேய்ப்பும்
அன்பின் சான்றே

ஒருபடி நீயும் உன்னைத் தாழ்த்தி
கடைதனில் வியாபாரம்
பார்த்ததும் எனக்கே

அளவிலாது நான் தவறுகள் செயினும்
அன்பின் மிகையால்
மன்னித்து மறந்தாய்

உன்னுழைப்பை யெலாம் சூறையாடினும்
அமுத சுரபியாய்
அள்ளிக் கொடுத்தாய்

வலிப்பு நோயின் வாயினுள் நின்றே
பிரியாணி சமைத்து
எனக்குக் கொடுப்பாய்

உனக்காய் சேர்த்த சொத்துக்களனைத்தும்
கிழிந்த புடவையும்
தீரா நோயுமே

காலன் நான்கில் ஒன்றைப் பறித்தபோதும்
மிஞ்சிய எமக்காய்
நெஞ்சுரம் கொண்டாய்

மண்ணகம் விண்ணகம் முழுதும் தேடினும்
தாயின்றி பிறந்தோன் யாருமிலன்
என் கடவுள் சேர்த்து

ஒற்றை நாளின் கொண்டாட்டமல்ல - நான்
மக்கிப் போயினும் தினம் தொடரும் திருநாள்
அன்னையர் தினம்!!!

தமிழ் கவிதைகள்

Pages

Monday, 18 April 2016

இனிய புத்தாண்டு வாழ்த்துக்கள்

பயணம்

அன்னையர் தினம்